U tha se nxitën të bijën e Ilnisës të qajë, reagon famija e gazetares

Mbrëmjen e së martës, gjatë ‘Prime-t’ në ‘BBV3’, një surprizë tepër e bukur produksioni kishte vendosur për Ilnisën.

Kjo e fundit pati mundësinë të fliste me vajzën e saj, të cilën prej 3 javësh nuk ka patur mundësinë as ta shikojë dhe as ti dëgjojë zërin.

Ajo çfarë u përfol ditën e sotme kudo në rrjet ishte një pjesëz në momentin që Ilnisa foli me të bijën, ku kjo e fundit po ndjenjte ‘presion’ prej dikujt që e detyronte të qante ‘sa për sy e faqe’.

Një reagim i menjëhershëm ka ardhur dhe prej familjarëve të Ilnisës të cilët janë menaxhues të rrjeteve të saja sociale dhe shkruajnë:

‘Është keqardhje që niveli i spekulimit dhe konspiracionit ndaj një loje, arrin në atë pikë sa vë në dyshim emocionin e një fëmije 10-vjeçar, lotët e saj, zërin që meket në një komunikim me mamanë e saj, që askush nuk është në gjendje të përfytyrojë sesa shumë i mungon.’