“Gabova, por ja cila banore është fajtore për daljen time”, Klodian Duro flet pas përjashtimit nga BBV

Një ditë pasi u përjashtua nga shtëpia e “Big Brother VIP”, Klodian Duro, foli në emisionin “Wake Up”, ku u shpreh se ka qenë një ironi dhe se ka përsëritur fjalët e Roza Latit. Sipas ish-banorit, ajo që kur ka parë klipin ka thënë “po hyn ky që ka rrahur gruan”.

Ndërkohë po nga studio e emisionit të mëngjesit, Duro iu drejtua ish-bashkëshortes dhe vajzës së tij:

“Unë kam pasur shumë dhimbje pas divorcit me ish-gruan, por e vlerësoj maksimalisht, është nëna e vajzës sime. Kam respekt maksimal për të, ka bërë gjithçka për vajzën tonë. Ajo e di shumë mirë që babi e do shumë, është dashuria e vetme sot që ne flasim. Ish-bashkëshortes i them se do të jem gjithnjë pranë saj për çfarë i duhet asaj dhe vajzës”.

Duro e konsideroi si ironi të përdorur në shtëpinë e “Big Brother VIP”. Por jo vetëm kaq, pasi ish-futbollisti shënjestroi banoren, Roza Lati, që sipas tij, i ka përmendur vazhdimisht në shtëpi gjyqin e zhvilluar ndaj tij për përndjekje.

“Kjo ishte edhe ironia. Edhe njëherë, i kërkoj ndjesë të gjithëve, sepse sado pak, nuk mund të bëhet ironi me dhunën. Unë kam përsëritur fjalët e Rozës. Që ku banorët panë klipin tim, ajo ka thënë po hyn ky që ka rrahur gruan. Kjo ishte e tepërt, ma thanë banorët e tjerë. Është e rëndë ta dëgjosh nga një banor aty. Meritoni dinte gjithçka, të gjithë banorët e dinin kush është banorja që ka folur kundër Klodit. Ata e shikonin që unë injoroja në çdo moment”.

Nga ana tjetër, ish-futbollisti i Kombëtares hodhi poshtë dyshimet se ka ushtruar dhunë ndaj ish-gruas. Gjithçka është e pavërtetë, u shpreh ai, duke shtuar se nuk ka bërë asnjë ditë burg.

“Kjo ishte dhe një nga motivet e hyrjes sime, hyra që të gjithë të shikonin se kush është Klodi në të vërtetë. Të gjithë të më njihnin dhe vajza ime të ishte krenare për mua”, tha ish-banori i edicionit të tretë të “Big Brother VIP”.

Be the first to comment

Leave a Reply

Your email address will not be published.


*